At Phoebi nondum patiens immanis in antro bacchatur vates, magnum si pectore possit excussisse deum; tanto magis ille fatigat os rabidum, fera corda domans, fingitque premendo ostia iamque domus patuere ingentia centum sponte sua vatisque ferunt responsa per auras:
'o tandem magnis pelagi defuncte periclis (sed terrae graviora manent), in regna Lauini Dardanidae venient (mitte hanc de pectore curam), sed non et venisse volent. bella, horrida bella, et Thybrim multo spumantem sang ine cerno. non Simois tibi nec Xanthus nec Dorica castra defuerint; alius Latio iam partus Achilles,